Skip to content Skip to main navigation Skip to footer

Символ веры

Символ веры

Символ веры

Символ веры трех сот осминадесяти святых отец перваго вселенскаго собора, Никейскаго.

Веруем во единаго Бога Отца, Вседержителя, Творца всех видимых и не видимых. И во единаго Господа Иисуса Христа, Сына Божия, единороднаго, рожденнаго от Отца, то есть, из сущности Отца, Бога от Бога, Света от Света, Бога истинна от Бога истинна, рожденна, не сотворенна, единосущна Отцу, имже вся быша, яже на небеси и на земли: нас ради человек и нашаго ради спасения сшедшаго, и воплатившася и вочеловечшася, страдавша, и воскресшаго в третий день, и возшедшаго на небеса, и седяща одесную Отца, и паки грядущаго судити живым и мертвым. И во Святаго Духа. Глаголющих же о Сыне Божием, яко бысть время, егда не бе, или яко прежде неже родитися, не бе, или яко от не сущих бысть, или из иныя ипостаси или сущности глаголющих быти, или превратима или изменяема Сына Божия, сих анафематствует кафолическая и апостольская Церковь.

Символ веры ста пятидесяти святых отец втораго вселенскаго собора, Константинопольскаго.

Веруем во единаго Бога Отца, Вседержиетля, Творца небу и земли, видимым же всем и невидимым. И во единаго Господа Иисуса Христа, Сына Бо жия, единороднаго, иже от Отца рожденнаго прежде всех век свет от света, Бога истинна от Бога истинна, рожденна, не сотворенна, едино сущна Отцу, имже вся быша нас ради человек и нашего ради спасения сшедшаго с небес, и воплатившагося от Духа Свята и Марии Девы, и во человечшася распятаго же за ны при Понтийстем Пилате, и страдавша и погребенна и воскресшаго в третий день по Писанием и возшедшаго на небеса, и седяща одесную Отца и паки грядущаго со славою судити живым и мертвым, Его же царствию не будет конца. И в Духа Святаго, Гос пода, Животворящаго, иже от Отца исходящаго, иже со Отцем и Сыном спокланяема и сславима, глаголавшаго пророки. Во едину святую, собор ную и апостольскую Церковь. Исповедуем едино крещение во оставление грехов. Чаем воскресения мертвых, и жизни будущаго века. Аминь.

Догмат шести сот тридесяти святых отец четвертаго вселенскаго собора, Халкидонскаго. О двух естествах во едином Лице Господа нашего Иисуса Христа.

Последующе Божественным отцем, все единогласно поучаем исповедывати единаго и того же Сына, Господа нашего Иисуса Христа, совершенна в Божестве и совершенна в человечестве истинно Бога и истинно человека, тогожде из души и тела единосущна Отцу по Божеству, и единосущна тогожде нам по человечеству по всему нам подобна, кроме греха рож денна прежде век от Отца по Божеству, в последние же дни тогожде, ра ди нас и ради нашего спасения, от Марии Девы Богородицы, по человечеству единаго и тогожде Христа, Сына, Господа, единороднаго, во двух естествах неслитно, неизменно, нераздельно, неразлучно познавае маго, (никакоже различию двух естеств потребляему соединением, паче же сохраняему свойству коегождо естества, во едино лице и во едину ипостась совокупляемаго) не на два лица рассекаемаго или разделяемаго, но единаго и тогожде Сына, и единороднаго Бога Слова, Господа Иисуса Христа, якоже древле пророцы о Нем, и якоже Сам Господь Иисус Христос научи нас, и якоже предаде нам символ отец наших.

Догмат ста седмидесяти святых отец шестаго вселенскаго собора, Конс тантинопольскаго. О двух волях и действиях в Господе нашем Иисусе Христе.

И две естественныя воли или хотения в Нем, и два естественныя дейс твия, неразлучно, неизменно, нераздельно, неслиянно, по учению святых отец наших, такожде проповедуем два же естественныя хотения не про тивныя, да не будет, якоже нечестивыи еретицы рекоша, но Его челове ческое хотение, последующе, и не противостоящее, или противоборствую щее, паче же и подчиняющееся Его Божественному и Всемогущему хотению.

Догмат трех сот шестидесяти седми святых отец седмаго вселенскаго со бора, Никейскаго. Об иконопочитании.

Храним не нововводно все, писанием, или без писания установленныя для нас церковныя предания, от них же едино есть иконнаго живописания изображение, яко повествованию евангельския проповеди согласующее, и служащее нам ко уверению истиннаго, а не воображаемаго воплащения Бо га Слова, и к подобной пользе. Яже бо едино другим указуются, несом ненно едино другим уясняются. Сим тако сущим, аки царским путем шест вующе, последующе Богоглаголивому учению святых отец наших и преданию кафолическия Церкви, (вемы бо, яко сия есть Духа Святаго в ней живу щаго,) со всякою достоверностию и тщательным разсмотрением определя ем: подобно изображению честнаго и животворящаго креста, полагати во святых Божиих церквах, на священных сосудах и одеждах, на стенах и на досках, в домах и на путях, честныя и святыя иконы, написанныя крас ками и из дробных камений и из другаго способнаго к тому вещества устрояемыя, якоже иконы Господа и Бога и Спаса нашего Иисуса Христа, и непорочныя Владычицы нашея Святыя Богородицы, такожде и чтимых Ан гелов, и всех святых и преподобных мужей. Елико бо часто чрез изобра жение на иконах видимы бывают, потолику взирающиии на оныя подвизаемы бывают воспоминати и любити первообразных им, и чествовати их лобза нием и почитательным поклонением, не истинным, по вере нашей, Бого поклонением, еже подобает единому Божескому естеству, но почитанием по тому образу, якоже изображению честнаго и животворящаго креста и святому евангелию и прочим святыням, фимиамом и поставлением свещей честь воздается, яковый и у древних благочестивый обычай был. Ибо честь воздаваемая образу переходит к первообразному, и покланяющийся иконе, покланяется существу изображеннаго на ней. Тако бо утверждает ся учение святых отец наших, сиесть, предание кафолическия Церкве, от конец до конец земли приявшия евангелие.

Оцените
Поделиться:

0 комментариев

Пока нет комментариев

Оставить комментарий

Ваш адрес email не будет опубликован.

Нажимая на кнопку: "Отправить", Вы подтверждаете, что прочли Положение о персональных данных и принимаете его.

Наверх